Өфө һәм Башҡортостан гербтары төшөрөлгән маркалар

Марка почта блогына һыҙыҡ эсендә урынлаштырылған. Ул «Рәсәй Федерацияһы субъекттарының һәм ҡалаларының гербтары» серияһы сиктәрендә махсус почта штемпеле һәм конверт менән бер үк ваҡытта сығарылған. Был хаҡта Өфө хакимиәтенең матбуғат хеҙмәте «Рәсәй почтаһы» филиалына һылтанып хәбәр итә.

Почта маркаһында — Өфө ҡалаһы гербы, почта блогы һыҙығында Башҡортостан гербы һәм Рәсәй картаһы төшөрөлгән.

Марка 28 мартта Өфө почтамты ҡарамағындағы элемтә бүлексәһендә әйләнешкә сыға.

Өфөнөң хәҙерге гербы 2006 йылда раҫланған. Ул һыуһар төшөрөлгән тарихи герб нигеҙендә эшләнгән.

Почта блогының тиражы — 30 мең дана.

http://www.bashinform.ru.