“Ағас ултырт – ғүмер бүләк ит!”

Ағас ултыртыу айлығы һәм “Йәшел Башҡортостан” берҙәм республика акцияһы төбәк етәксеһе Радий Хәбировтың күрһәтмәһенә ярашлы ойошторола. Сараның төп маҡсаты – урманға һаҡсыл мөнәсәбәт тәрбиәләү, йәмғиәттең иғтибарын урман ресурстарын һаҡлауға, тергеҙеүгә йәлеп итеү. Айлыҡ барышында ауыл, ҡалаларҙа ағас ултыртыу буйынса күмәк акциялар үткәреләсәк.

Рәсәйҙең бөтә төбәктәрендә уҙғарылған Бөтә Рәсәй ағас ултыртыу көнөндә “Ғүмер ағасы”, “Хәтер урманы” кеүек саралар ойоштороу, Башҡортостандың 100 йыллығына арналған иҫтәллекле аллеялар асыу күҙаллана.

Айлыҡты үткәреү өсөн 120 урман участкаһы бүленгән. Унда 1 миллион 600 меңдән ашыу ағас ултыртыу ҡарала.

bash.rbsmi.ru