Һөнәрегеҙҙе алмаштырыр инегеҙме?

Рәсәйҙең Хеҙмәт һәм мәшғүллек буйынса федераль хеҙмәте мәғлүмәтәренә ҡарағанда, етештереү өлкәһендә генә лә ил күләмендә 425 меңдән ашыу эшсе талап ителә. Һаулыҡ һаҡлау өлкәһенә 58 меңдән артыҡ табип кәрәк. Шулай уҡ, иретеп йәбештереүсе, слесарь, токарь кеүек эшсе ҡулдар етмәй. Мәҫәлән, Приморье крайында урынлашҡан бер балыҡ сәнәғәте компанияһында ай һайын 380 мең һум хеҙмәт хаҡы түләү шарты менән өлкән механик эҙләйҙәр. Красноярск крайында быраулаусыға 260 мең һум хеҙмәт хаҡы вәғәҙә иткәндәр. Ә бына һеҙҙең һөнәр алмаштырыу теләге юҡмы?