Дим буйҙары
-24 °С
Болотло
75 лет Победы
Бөтә яңылыҡтар
ЙӘМҒИӘТ
16 Апрель 2019, 09:41

Алдан хәстәрләү мөһим

төбәк етәксеһе Радий Хәбиров Башҡортостандың террорға ҡаршы комиссияһы һәм республикалағы оператив штабтың берлектәге ултырышын үткәрҙе.

Һөйләшеү май байрамдарында, шулай уҡ Балаларҙың халыҡ-ара йәйге уйындарында хәүефһеҙлекте тәьмин итеүгә бағышланды.

“Май байрамдары киң билдәләнәсәк, халыҡтың күп булыуы көтөлә. Был көндәрҙә барлыҡ муниципаль берекмәләрҙә ныҡлы тәртип һаҡлау ойошторолоуы, кешеләрҙе хәүефһеҙлек саралары менән тулы кимәлдә тәьмин итеү мөһим, – тине республика етәксеһе. – Балаларҙың йәйге уйындары, белеүегеҙсә, 9 – 14 июлдә үтә. Донъяның утыҙ иленән ике меңгә яҡын үҫмер спортсы киләсәк. Уларға йәшәү өсөн ете ҡунаҡханала урын бүленә, ярыштарҙы ете спорт объектында үткәреү ҡаралған. Балаларҙың хәүефһеҙлеге баш ҡаланың бар урынында тәьмин ителергә тейеш”.
Читайте нас в