Студент-һылыуҡай кем?

Еңеүсе исеменә Башҡорт дәүләт университетының икенсе курс студенты Алһыу Ҡурамшина лайыҡ булды

Беренсе вице-мисс — Мифтахетдин Аҡмулла исемендәге Башҡорт дәүләт педагогия университетынан Мария Васильева, икенсе вице-мисс — Башҡорт дәүләт медицина университетынан Регина Хәкимйәнова. Еңеүсе гәүһәр менән биҙәлгән алтын биҙәүес, «Эпл» компанияһынан 300 мең һумлҡ сертификат, Ҡазанға сәйәхәт, Pandora сәғәте, таж менән бүләкләнде һәм Башҡортостанды халыҡ-ара, Бөтә Рәсәй матурлыҡ конкурстарында күрһәтеү мөмкинлеген алды. Ҡатнашыусылар коктейль, туй һәм киске күлдәктәрҙә дефиле күрһәтте. Ижади номерҙар менән сығыш яһаны, бейене һәм һорауҙарға яуап бирҙе. Шулай уҡ был кистә «Башҡортостандың уҡыусы һылыуҡайы — 2019» һайланды. Ул — Иглиндән беренсе класс уҡыусыһы Екатерина Дульдий. Ҡыҙыҡай таждан тыш, ювелир биҙәүестәр һатып алыу өсөн 50 мең һумлыҡ сертификат менән бүләкләнде. Конкурста бөтәһе 19 кеше ҡатнашты.

http://www.bashinform.ru/