Иҫерек водителдәрҙе төрмә көтә

Яңы ҡағиҙәләр иҫерек водителдең башҡалар һаулығына ауыр зыян һалған өсөн 3 йылдан 7 йылға ҡәҙәр иректән мәхрүм ителеүен күҙҙә тота (элек 4 йылға ҡәҙәр ине). Шул уҡ ваҡытта аварияла кеше һәләк булһа, водителгә 5-12 йыл (элек 2-7 йыл булған) яза срогы янай.

Закон, шулай уҡ, юл-транспорт ваҡиғаһында 2 йәиһә унан да күберәк кеше үлгән осраҡта, яза срогын 8-15 йыл тип билдәләй.

Апрелдә Президент кеше үлеменә килтергән юл-транспорт ваҡиғаһы урынынан ҡасҡан водителдәр өсөн яуаплылыҡты ҡәтғиләндереү тураһында законға ҡул ҡуйғайны. Бер кеше үлгән авария урынынан ҡасҡан кешегә яза - 7 йылға, ике йәиһә унан да күберәк кеше һәләк булғанда, 9 йылға тиклем арттырылды.

#владимирпутин