Теге донъянан ҡайтып имза ҡуйғандар

Мәғлүм булыуынса, 8 сентябрҙә Мәскәү ҡала думаһына һайлауҙар үтәсәк.

Үлә яҙып депутат булырға теләгәндәр ниндәй генә аҙымға бармаған! Хатта теге донъялағы кешеләргә лә мөрәжәғәт иткәндәр, имеш. Шулай булмаһа, йыйылған ҡултамғаларҙың 339-ы үлгән кешеләрҙеке булыуы ҡайҙан килеп сыҡҡан һуң?

Шулай уҡ ғәмәлдә булмаған паспорт мәғлүмәттәре лә фаш ителгән. Һөҙөмтәлә 9,8 мең самаһы имза яраҡһыҙ тип табылған. Әлбиттә, бының өсөн кандидаттарҙың ҡултамға йыйыуҙы ойошторған ышаныслы кешеләре яуап тотасаҡ. Һөҙөмтәлә Мәскәү ҡалаһы думаһына һайлауҙа ҡатнашыу өсөн теркәлгән кандидаттарҙың 57-һе төшөп ҡалған.

https://bash.rbsmi.ru

Читайте нас