“Аҡ үлем” һатыусыға ҡара көн килде

Полицейскийҙар егетте ҡулға алған, уның ҡалаларҙа йәшерен наркотик һатыуын асыҡлаған. "Эшҡыуар" 20 йыл ғүмерен төрмәлә үткәрәсәк.

Уның ҡара бизнесы “сәскә атҡан” булған, ҡулланыусылары менән ситтән тороп ҡына аралашҡан. Карта иҫәбенә аҡса күскәс, “йүнсел” һатып алыусыға наркотиктың ҡайҙа ятҡанын әйтә. Ә синтетик наркотик, ғәҙәттә, еңел генә урында йәшеренгән була – подъезда йә урамда.

Полиция хеҙмәткәрҙәре наркотиктар әйләнеше юлдарын күҙәтә, ағыуҙы ғәйепләнеүсенең Өфөнән һатып алыуын асыҡлай. Бынан тыш, "эшҡыуар"ҙың иптәштәре лә барлығы билдәле була. Шуныһы ҡыҙыҡ: "дуҫтар" бер-береһен белмәй булып сыға, улар тик интернет аша ғына таныш була.

Ғәйепләнеүсенең өйөндә полиция хеҙмәткәрҙәре тултырылып, артабан һатыуға әҙерләнгән пакеттарҙы тапҡан.

"Башҡортостан" гәзитенән.