+13 °С
Облачно
ЙӘМҒИӘТ
16 Сентября 2019, 07:12
Ҡышҡылыҡҡа һаҡлауға... наркотик әҙерләгән
Бөгөн күптәр көҙгө уңыш йыйыу менән мәшғүл, шөкөр, баҡсасылар мул уңышҡа ҡыуана. Әммә бәғзеләр ҡышҡылыҡҡа йәшелсә, емеш-еләк хәстәрләү урынына... йортона киндер ташый икән.
Мәҫәлән, Көйөргәҙе районынан 31 йәшлек ир күрше ауылдан ике килограмм киндер йыйған. Аҙаҡ “булдыҡлы” ир был үләндән ҡышҡылыҡҡа наркотик эшләмәксе булған.
Полиция хеҙмәткәрҙәренә ул киндерҙе шәхси ҡулланыу өсөн генә йыйыуын әйткән. Әле был иргә ҡарата енәйәт эше ҡуҙғатылған. Уны ҙур күләмдә наркотик һәм психотроп матдәләрҙе законһыҙ һаҡлауҙа ғәйепләйҙәр. Иргә өс йылдан ун йылға тиклем иркенән мәхрүм ителеү ҡурҡынысы янай.
