+22 °С
Облачно
ЙӘМҒИӘТ
3 Октября 2019, 12:48
245 кешене үлемдән ҡотҡарғандар
Башҡортостандың Ғәҙәттән тыш хәлдәр буйынса дәүләт комитетында ситтән тороп психологик ярҙам күрһәтеү һөҙөмтәләре буйынса йомғаҡ яһап, 245 кешене үлем сигенән ҡотҡарып алып ҡалыуҙары хаҡында белдерҙеләр.
Быйыл хеҙмәткә ауыр тормош хәлендә ҡалған 2250 кеше мөрәжәғәт иткән. Шул иҫәптән 245-е йәшәгеһе килмәүе хаҡында белдергән. Бәхеткә күрә, ауыр хәлдә булғандар ваҡытында тейешле урынға шылтыратып ярҙам алыуы арҡаһында иҫән ҡалған.
Ведомство хеҙмәткәрҙәре ошондай ҡатмарлы хәлдә ҡалғандарҙан ашығыс ҡарар ҡабул итер алдынан тәүҙә "112" һандарына шылтыратыуын һорай.
