+18 °С
Ясно
ЙӘМҒИӘТ
18 Ноября 2019, 07:03
Тағы ла бер өр-яңы бассейн ишектәрен асасаҡ
Өфөнөң Инорс биҫтәһендә төҙөлә башлаған бассейнды Яңы йыл байрамдарына файҙаланыуға тапшырырға кәрәк, тип белдерҙе Башҡортостан хөкүмәтенең беренсе вице-премьеры Андрей Назаров.
Бассейн “Башҡортостандың 100 йыллығына – 100 объект” проекты ярашлы төҙөлә. 2017 йылда башланған төҙөлөш эштәре быйылғы йылдың аҙағына тамамланырға тейеш.
Егерме биш метрлыҡ юлы булған яңы бассейнда бер үк ваҡытта 50-гә яҡын кеше шөғөлләнә аласаҡ. Бында халыҡты сәләмәтләндереү менән бер рәттән профессиональ йөҙөүселәр ҙә тәрбиәләнәсәк.
