Өфө — Белорет — Магнитогорск юлы федераль милеккә күсеүе мөмкин

Республика ҡарамағында булған Өфө — Белорет — Магнитогорск юлы федераль милеккә күсеүе мөмкин. Был хаҡта «Коммерсантъ-Башкортостан» Урал буйы юл идаралығы етәксеһе Азамат Илембәтовҡа һылтанма менән хәбәр итә.

Уның һүҙҙәренсә, Федераль юл агентлығында күсереүҙе раҫлағандар, ләкин документтарҙы рәсмиләштереүгә бер нисә йыл кәрәк булыуы ихтимал – яҡынса 2025 йылға тиклем.

Трассаның оҙонлоғо 350 саҡрым тәшкил итә. Әлеге ваҡытта Өфө — аэропорт юлының 9 саҡрымын Федераль юл агентлығына тапшырыу рәсмиләштерелә. Орск – Ырымбур юлы ла Рәсәй Федерацияһы милкенә тапшырыла.

Әле Башҡортостанда федераль юл селтәре 785 саҡрым иҫәпләнә.

"Ашҡаҙар" гәзитенән.