Белоретта автомобиль быуаға төшөп киткән

Белорет районында автомобиль быуаға төшөп киткән. Авария Белорет — Өфө автомобиль юлында, Бирҙеғол ауылы янында булған, тип хәбәр иттеләр Башҡортостан Ғәҙәттән тыш хәлдәр буйынса дәүләт комитетының матбуғат хеҙмәтенән.

«Лада Гранты» водителе юлда идара итеү һәләтен юғалтып, һыуға сумған.

Машинала өс ҡатын-ҡыҙ ултырған. Пассажирҙар үҙҙәре сыға алған. Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары ҡатын-ҡыҙ водителде эҙләй.

https://www.bashinform.ru