Яҙ етә...

Бөгөн, көн оҙоно ҡар ҡатыш ямғыр яуып торғанда, бындай фаразға бик ышанып та булмай. Хәйер, тәбиғәттең үҙ ҡанундары шул: бер ҡараһаң, йылыта, бер ҡараһаң, һыуыта.

1 һәм 2 апрелдә һауа температураһы көндөҙ +5,+10 градусҡа ҡәҙәр күтәреләсәк, төндә -3,+2 градус буласаҡ. Урыны менән ҡыҫҡа ваҡытлы ямғырҙар, республиканың көньяҡ-көнсығышында ҡарлы ямғыр яуыуы көтөлә.

3-5 апрелдә республика территорияһына көньяҡтан йылы һауа массаһы киләсәк, шул сәбәпле, уртаса температура норманан 3-7 градусҡа юғарыраҡ буласаҡ, тип аңлата синоптиктар. Был инде аномаль йылы һауа торошо көтөлә тигән һүҙ. Көндөҙ  +10,+15 градусҡа ҡәҙәр йылытасаҡ. 

Башинформ.