Сөгөлдөрҙөң һаулыҡҡа файҙаһы нимәлә?

   ✔ Анемияны дауалай һәм гемоглобинды күтәрә.
✔ Организмда яңы күҙәнәктәр булдырырға ярҙам итеп, йәшәртеү көсөнә эйә.
✔ Күҙәнәклеккә һәм органик кислоталарға бай булыуы менән матдәләр алмашыныуын көйләй, аш эшкәртеүҙе һәм эсәктәрҙең функ­цияһын яҡшырта.
✔ Составындағы пектиндар эсәк­тәрҙең микрофлораһын яҡшырта, зарарлы паразиттарҙан арындырта.
✔ Токсиндарҙан ҡотолдора.
✔ Яман шеш барлыҡҡа килеү хәүефен кәметә һәм үҫешен тот­ҡарлай.
✔ Ҡан тамырҙарын таҙарта.
✔ Гипертония менән атеросклерозды дауалауҙа ярҙам итә;
✔ Ир-егеттәрҙең енси әүҙемлеген көсәйтә.
✔ Ҡатын-ҡыҙҙарға күрем миҙгелен ауыртыныуһыҙ үткәрергә ярҙам итә.
✔ Бәүел ҡыуыу һәм эс йомшартыу үҙенсәлегенә эйә.
✔ Ялҡынһыныуға ҡаршы торорға ярҙам итә.
✔ Нервы системаһын нығыта, тынысландыра, депрессияға ҡаршы торорға көс бирә.
✔  Организмдың ҡаршы тороу көсөн күтәрә.
✔ Күҙҙәрҙең сәләмәтлеген һаҡлай.
✔  Йодҡа бай булыу сәбәпле, ҡалҡан биҙе ауырыуҙарын дауа­лауҙа алмаштырғыһыҙ сара.
✔ Магнийға бай булыуы йөрәк мускулдарын нығытырға, атеро­склерозға ҡаршы торорға ярҙам итә.

Ҡайһы осраҡта 
сөгөлдөр ашау тыйыла?

✔ Гастрит  һәм  язва ауырыуы көсәйгәндә.  Ашҡаҙан һутының әселеге юғары булғанда ла һаҡ булырға кәрәк.  
✔ Бөйөр эшләп етмәгәндә һәм таш ауырыуҙары булғанда.   Уның сос­тавындағы ҡуҙғалаҡ кислотаһы  шыйыҡлыҡтың кристалланыуына  килтерә һәм  бәүел ҡыуыу орган­дарындағы сирҙәрҙе  аҙҙыра.  
✔ Ҡан баҫымы түбән булғанда.  Ул ҡан баҫымын тағы ла  төшөрә.   
✔  Остеопороз булғанда. Сөнки сөгөлдөр   кальцийҙың үҙләш­тере­леүен тотҡарлай.  
✔ Диареяла һәм ашҡаҙан эш­мәкәрлеге боҙолғанда.   Эсте йомшартыу үҙенсәлегенә эйә булған­лыҡтан, хәлде тағы ла насарайтып ебәреүе ихтимал.     
✔ Артрит һәм подагра менән сир­ләүселәргә яңы һығылған һутын эсергә кәңәш ителмәй.  Сөнки быуындарҙағы ялҡынһыныу процесын көсәйтеп ебәреүе ихтимал.  
✔ Шәкәр диабеты менән сир­ләүселәргә лә  сөгөлдөр ашауҙы сикләргә кәрәк.  Сөнки унда шәкәр күп. 
Шулай ҙа сөгөлдөрҙөң  зыянына ҡарағанда файҙаһы күберәк.  Тимәк, уны әҙ-әҙләп аша­ғанда, артыҡ ҡурҡынысы юҡ. 

С.Лотфуллина