Шайморатовсылар сафы тулыланды

Районыбыҙҙа Шайморатов кластары артҡандан-арта бара. Быйыл уларҙың рәтенә Фәтих Кәрим исемен йөрөткән урта мәктәптең 5-cе класс уҡыусылары ла баҫты.
"Йәш шайморатовсылар"ға бағышлау тантанаһында район хакимиәте етәксеһе Артур Мөхлис улы Зарипов, район хәкимиәте башлығы урынбаҫары Алексей Данилов,  районыбыҙҙа эшләп килгән "Ватанды һаҡлаусылар" ойошмаһы етәксеһе Рәмил Мөхтәсимов һ.б. ҡатнашты.
Ҡунаҡтар данлыҡлы геройыбыҙ Миңлеғәле Шайморатов исемен йөрөткән класс уҡыусыларын йылы сәләмләп, уҡыуҙа уңыштар, үҙ еребеҙҙең ысын патриоттары булып үҫеүҙәрен теләне.

- Айыт ере данлыҡлы кешеләре менән дан тота. Улар араһында Бөйөк Ватан һуғышында ҡатнашыусы Советтар Союзы Геройы Хәмит Ғәҙелшин һәм патриот-шағир  Фатих Кәрим бар. Ышанам, бөгөн шайморатовсылар сафына ҡабул иткән уҡыусылар атай-олатайҙарының данлы традицияларын лайыҡлы дауам итерҙәр. Уларҙың һәр ҡайһыһы тормошта үҙ юлын табып, Тыуған илебеҙҙең үҫешенә үҙ өлөшөн индерер. Уларға уҡыуҙарында уңыштар, спортта еңеүҙәр яулауын теләйем. Тиҫтерҙәрегеҙгә һәр яҡлап өлгө булығыҙ!, - тип йәш быуынға мөрәжәғәт итте Артур Мөхлис улы.