Беларусь менән берлектә троллейбустар эшләү буйынса яңы производство асыласаҡ

Башҡортостандың рәсми делегацияһы Беларусҡа сәфәрендә Өфө трамвай-троллейбус заводы менән Минск МАЗ-ы кооперацияһын артабан үҫтереү тураһында килешеүгә өлгәшелде.

Яҡын арала яңы компания теркәләсәк. Был хаҡта Башҡортостан хөкүмәтенең оператив кәңәшмәһендә премьер-министрҙың беренсе урынбаҫары – БР-ҙың иҡтисади үҫеш һәм инвестиция сәйәсәте министры Рөстәм Моратов хәбәр итте.

Яңы производствоны Өфө районының «Алға» махсус иҡтисади зонаһында урынлаштырыу күҙаллана. Унда йыл һайын 400-500 троллейбус сығарырға мөмкинлек бирәсәк. Бынан тыш, коммуналь техниканы (апат әйткәндә, сүп-сар ташыусы машиналарҙы) МАЗ комплекттарынан йыйыу буйынса хеҙмәттәшлек итеү мөмкинлеге тикшерелә. Шулай уҡ республикала МАЗ дилерлыҡ үҙәген киңәйтеү планлаштырыла.

Башинформ.