Тылдағы яугирҙар яңы һөнәр алыу мөмкинлегенә эйә

Быйыл, Ватанды һаҡлаусылар йылында Башҡортостандың 200 самаһы яугиры һәм уларҙың яҡындары үҙҙәренең профессиональ оҫталыҡтарын бушлай күтәрә йәки яңы һөнәр ала аласаҡ. Уҡыуға бирелгән шәхси документ хаҡы 50 мең һум тәшкил итә. Республикала бөтәһе 700-гә яҡын кеше белем алыуға сертификат аласаҡ. Был иһә Рәсәй Президенты указы буйынса ҡабул ителгән “Кадрҙар” милли проектын тормошҡа ашырыуға булышлыҡ итәсәк.

- 2024 йылда махсус хәрби операцияла ҡатнашыусыларҙы һәм уларҙың яҡындарын уҡытыуға республика бюджетынан 14 миллион һум самаһы аҡса бүленгән. Иң кәрәкле һөнәрҙәр иҫәбендә - һаҡсы, СЕ, С, Д категориялы водитель, клиник психология. 50 мең һумға тиклемге курсты (был юғары номинал) яугирҙәр ҙә, уларҙың туғандары ла һайлай ала. Программа буйынса һайлап алынған ойошмаларҙа уҡытыу формаһы, йәғни тикшерелгән һәм ышаныслы, теләһә ниндәй булырға мөмкин. Уҡыуҙы уңышлы үткәндән һуң эш һайларға карьера консультанттары ярҙам итәсәк, – ти Башҡортостандың ғаилә, хеҙмәт һәм халыҡты социаль яҡлау министры Ленара Иванова.

Яраланыу сәбәпле хәрби хеҙмәтен тамамлағандан һуң үҙенә яңы профессиональ эшмәкәрлек башлағандар араһында Тәтешле районында “Ватанды һаҡлаусылар” фонды филиалының социаль координаторы Венер Сафин да бар. Сертификат менән файҙаланып, ул “Хәрби психология һәм хәрби стреста психологик ярҙам” программаһы буйынса уҡый һәм хәҙер яугирҙәргә тыныс тормошҡа ҡайтырға ярҙам итә.

– Был юлды үткән, бөтә нәмәне үҙемдә кисергән кеше булараҡ, миңә фронттан ҡайтҡан яугирҙарҙы аңлау еңелерәк. Махсус белем алып һәм ярҙам итеү технологияларын өйрәнеп, күберәк файҙа килтерә алам, – тип уртаҡлаша элекке яугир, бөгөн табип һәм координатор Венер Сафин.

Уҡыуға ғаризаны мәшғүллек үҙәктәрендә, “Дәүләт хеҙмәттәре” порталы аша, шулай уҡ “Ватанды һаҡлаусылар” фонды филиалдарында бирергә мөмкин.

ye102.ru