Изге ай башлана

Изге Рамаҙан – ул мәрхәмәтлек, шәфҡәтлелек, ярҙам һәм тиңлек айы.

Изге ай башлана

Был изге айҙа мосолмандар ураҙа тота. Ураҙа (ғәрәпсә “сыям”) – Аллаһ ризалығы өсөн, иртәнге таңдан алып кис ҡояш байығанға ҡәҙәр, ашау-эсеү һәм енси яҡынлыҡ ҡылыуҙан тыйылыу. Рамаҙан айында ураҙа тотоуҙың мәғәнәһе – беренсенән, Ҡөрьән Мөхәммәд (саллал-лаһу ғәләйһи үә сәлләм) өммәтенә хаҡты эҙләү һәм дөрөҫтө ялғандан айырыу өсөн ебәрелгән, икенсенән, был айҙа изге Ҡәҙер кисе бар (Әл-Ҡәҙер сүрәһе), өсөнсөнән, Аллаһы Тәғәлә Үҙе был айҙың дәрәжәһен күтәргән һәм был айҙа ҡылынған изгелектәр-ҙең сауабын күпкә арттыра, дүртенсенән, был айҙа һәр кешенең алдағы йылға тәҡдире төшөрөлә.

Ураҙаның тәртибе

Иртәнге ашау (сәхәрҙе) таң ата башлағансы туҡтатырға кәрәк, йәғни яҡынса ҡояш сығыуҙан 2 сәғәт алда. Ғәҙәттә, мосолмандар аҙанға ҡарап етәкселек итә. Аҙан иртәнге намаҙ ваҡыты етеүен һәм сәхәр ваҡытының сығыуын белдерә. “Әгәр намаҙға саҡырыуҙы (аҙанды) ишетһәгеҙ, һәм был ваҡытта ҡулығыҙҙа һыу йәки ризыҡ һалынғын һауыт булһа, башта эсеп йәки ашап бөтөгөҙ. Унан һуң ғына һауытығыҙҙы ҡуйығыҙ!” – тигән Мөхәммәд (саллал-лаһу ғәләйһи үә сәлләм).

Ифтар (ауыҙ асыу)

“Ифтар” ғәрәпсәнән “асырға, башларға” тигәнде аңлата, – ҡояш байығас ашау (беҙҙең халыҡта “Ауыҙ асыу”). Ифтарҙы ут теймәгән бөтә төр ризыҡтан да башларға мөмкин. Иң хәйерлеһе – финик, башҡа төрлө емештәр, таҙа һыу. Беҙҙең халыҡта ашауҙы тоҙҙан башлау ғәҙәте бар. Был ислам шәриғәтенә тап килмәй (ул ғәҙәт тоҙ юҡ саҡтарҙан ҡалған: иң ҡәҙерле ҡунаҡтарҙы тоҙ менән һыйлағандар).

Рамаҙан айында насарлыҡ килтергән барлыҡ эштәрҙән ары торорға кәрәк. Мәҫәлән, телевизорҙан “күңелле” шоуҙар ҡарау, дингә, тәрбиәгә ҡағылышы булмаған мәғәнәһеҙ сараларҙа ҡатнашыу, буштан-бушҡа урам ҡыҙырып йөрөү, ҡыл ҡыбырлатмайынса көндәр буйы йоҡлап ятыу һәм башҡалар.

Әгәр ҙә Ҡөрьән уҡырға, әрүахтарыбыҙҙы иҫкә алырға теләйбеҙ икән, быны шәриғәтебеҙ буйынса эшләргә мөмкин: Рамаҙан айында ифтар уҙғарырға, йәки Ҡорбан ғәйетендә ҡорбан салып, аштар уҙғарырға.

Рамаҙан аҙағында – оло мосолман байрамы – Ғәйет әл-Фитр (Ураҙа ғәйете). Ул 3 көн дауам итә. Был байрамда һәр мосолмандың бурысы – фытыр саҙаҡаһын түләү. Ул меҫкендәргә, ярлыларға, етемдәргә, Аллаһы юлындағыларға (белем алыусылар, йәш хәҙрәттәр), юлсыларға таратыла. Был ҙур байрамды улар ҙа ҡыуанып билдәләһен өсөн шулай эшләнә.

"Дини календар"ҙаy алынды

Изге ай башлана

Автор:

Читайте нас:

Об использовании персональных данных

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хеҙмәте

8(34743) 2-12-83

Редакция

8(34743) 2-11-92

Ҡабул итеү бүлмәһе

8(34743) 2-12-82

Кадрҙар бүлеге

8(34743) 2-12-83