Байрам көнөндә һауа торошо ниндәй булыр?

Алдағы өс көндә Башҡортостанда үҙгәреүсән һауа торошо көтөлә. Синоптиктар фаразлауынса, 7 майҙа көндөҙ яуым-төшөм көтөлмәй. Ел төньяҡтан талғын, урыны менән көсәйеүсән. Һауа көндөҙ +17, +22° тиклем йылына.

Кесаҙна, 8 майҙа, урыны менән ҡыҫҡа ваҡытлы ямғыр, көндөҙ көньяҡта ҡойма ямғыр яуыуы, йәшен йәшнәүе ихтимал. Ел төньяҡтан талғын. Һауа температураһы төндә +5, +10°, көндөҙ +17, +22°.

Йома, 9 майҙа, төндә урыны менән, көндөҙ республикала ҡыҫҡа ваҡытлы ямғыр яуыуы, йәшен йәшнәүе көтөлә. Ел төньяҡтан талғын. Һауа температураһы төндә +6, +11°, көндөҙ +15, +20°.

Башинформ.