Умартасылар, байрамығыҙ менән!

Бөгөн - Башҡортостан Республикаһы умартасылары көнө

Август айының беренсе йәкшәмбеһендә иң татлы һөнәр эйәләре байрамдарын билдәләй. Хѳрмәтле умартасылар, Егәрле ҡорттарығыҙ һеҙгә күп итеп бал йыйып, һәр саҡ ҡыуандырып торһон!

Кәрәҙҙәргә ҡорттар балдың

Әҙ-әҙләп килтерәләр.

Ҡанаттарын елпей-елпей,

Әкренләп киптерәләр.
Ҡапыл булмай бер нәмә лә –
Эш ҡайнай бында әҙләп.
Ҡорттар балды ҡабаланмай
Ҡуялар бит кәрәҙләп.
Сәскә һуты татлы балға
Әкренләп әйләнә.
Әкрен генә, һиҙҙермәйсә
Һеркәһе һитәләнә.
Ботлап-ботлап йыйыла бал,
Йыйылмай тик бер көндә...

Ләйлә ҒҮМӘРОВА фотоһы