«Марс» кооперативы һыйыр малдарын аҫрауға тейешле иғтибар бүлә

- Беҙҙең хужалыҡта күптән инде малсылыҡҡа ҙур иғтибар бүленә һәм киләсәктә лә шулай булырына ышанабыҙ, — ти «Марс» яуаплылығы сикләнгән йәмғиәте етәксеһе Рөстәм Бәҙретдинов. - Сөнки малсылыҡ йыл әйләнәһенә һәр ауыл хужалығы етештереүсеһенә хужалыҡ иҫәбендә «тере» аҡсаға эйә булыу мөмкинлеген бирә. Тере ауырлыҡтағы мал һатыуҙан һәм ит-һөт продукцияһын һатыуҙан туранан-тура «файҙа»бар. Ә бит ауыл хужалығы етештереүенең бөтөнләй икенсе мөһим тармағы — күп көс талап иткән үҫемлекселек һәр ваҡыт миҙгелле эш булды һәм буласаҡ. Үҫтерелгән ауыл хужалығы продукцияһын гел генә отошло һатыу мөмкин түгел. Әлегә аграрийҙарға, һис шикһеҙ, көнбағыш техник культураһы орлоҡтары бик яҡшы ярҙам итә. 625 гектар майҙандағы иген культуралары, бер әйләнешкә уртаса уңыш 17,1 центнер беҙ 1067 тонна яҡшы сифатлы иген йыйып алдыҡ. Әммә әлегә көнбағыш майҙандары йыйып алынмаған. Быға һауа торошо ҡамасаулай, әммә юғары килемле культураның уңышы яҡын арала йыйып алынасаҡ.

Даими ямғырҙарҙан арыған октябрь көнө тамамланыуға яҡынлаша. Хужалыҡ етәксеһе Р.Р. Бәҙретдинов менән Дүсән ауылының машина-трактор паркы артында урынлашҡан йәйге лагерға барып, киске һыйыр һауын барышын ҡарарға әҙерләндек. Дим туғайҙарында яҡшы үләндәрҙән ашап, елендәре һөт менән тулған симменталь тоҡомло һыйырҙар үҙ яйына килә. Һыйырҙар һөтсөлөк-тауар фермаһын урап үтте. Улар  яҡын арала ҡышҡы аҙбарҙа тороуға күсәсәк.  Был ферма ҡышҡы осорға әҙерлек буйынса районда иң яҡшы ферма исеменә дәғүә итә ала: мал аҙығы менән тулыһынса тәьмин ителгән, бина ремонтланған һәм аҡланған. Ситтән күҙәтеүселәр өсөн МТФ бөгөн ниндәйҙер малсылыҡ комплексы түгел, ә ауыл мәҙәниәт йортон хәтерләтә.

- Хужалыҡта һыйыр малының дөйөм һаны 185 баш тәшкил итә. Ә һауынсылыҡ төркөмө 170 һыйырҙан тора, - тип малсылар: Һауынсылар һәм йәйге лагерҙың хеҙмәтләндереүсе персоналы менән таныштыра Рөстәм Рәмзил улы. Көн һайын иртәнге һәм киске һауым 12 центнер тәшкил итә. Һөт продукцияһын Бәләбәй һөт комбинатына тапшырабыҙ. 2025 йылдың туғыҙ айында дөйөм тулайым һауым 4112 центнер тәшкил итте. Һәр фураж һыйырына һауынсылар ике мең килограмдан ашыу һөт һауып ала. Өлкән һауынсыларҙың береһе - оҙаҡ йылдар эшендә танылыу алған һәм талапсан Эльвира Рият ҡыҙы Камалова. Уның хеҙмәт стажы 35 йыл тәшкил итә. Уның тоғро ярҙамсылары булып Һауынсылар Мөнирә Әйүп ҡыҙы Зарипова, Гөлфирә Сабирйән ҡыҙы Хәмитова, бөтә эштәрҙә ярҙамсыһы Ләйсән Сабирйән ҡыҙы Ямаева тора. Әлеге мәлдә һыйырҙарҙы көтөүсе Илфир Мирхәт улы Камалов ҡарай, ул ауыл хужалығы тармағында 40 йылдан ашыу эшләй.  Ошо хужалыҡта оҙаҡ йылдар эшләгән малсылар Ғәзинур Ғафиәтов һәм Азат Әхмәтйәнов менән бергә ҡулға-ҡул тотоношоп эшләйҙәр. Уларҙың барыһының да тоғро ярҙамсыһы бар -  Лида ҡушаматлы бейә. Малдарҙы ваҡытында вакцинациялау һәм прививкалау һәм һыйырҙарҙың дөйөм һаулығы өсөн тауар-һөтсөлөеңк фермаһында ветеринар табип Илгиз Сәйфиулла улы Батраев яуаплы. Быйыл беҙ һәр баш мал өсөн кәмендә 35 центнер мал аҙығы берәмеге әҙерләй алдыҡ. Шуға күрә мал ҡышлатыу бер ниндәй ҙә проблемаһыҙ тейешле кимәлдә үтергә тейеш.

Владимир СМОЛОВ.

Автор фотоһы.