Изге эштәр башында - ирекмәндәр

Бишбүләк ауылындағы мәсет бөгөн иман йорто ғына түгел, бында көндөң-көнөндә махсус хәрби операциялағы яугирҙәргә ярҙам итеү өсөн төрлө эштәр башҡарыла. “Изгелек” төркөмө сохарый киптерә, цукаттар әҙерләй, шулай уҡ постель кәрәк-яраҡтары йыя.

Ирекмәндәр бар нимәгә яуаплы ҡарай . Етеҙ ҡуллы апай-инәйҙәр бергәләшеп йомортҡаға туҡмас баҫып киптерә һәм аш йыйылмаһына ҡушып, махсус пакеттарға тултыра.  Бында улдары махсус хәрби операция зонаһында булған әсәйҙәр ҙә, оло йәштәге, пенсияла булған апай-инәйҙәр ҙә бар. Ярҙам иткән һәр кем дөйөм һәм изге эшкә баһалап бөткөһөҙ өлөш индерә.