Башҡортостанда ҡар яуыуы көтөлә

Башҡортостан буйынса Ғәҙәттән тыш хәлдәр министрлығының матбуғат хеҙмәтенән хәбәр итеүҙәренсә, киләһе тәүлектә аяҙлы-болотло һауа торошо көтөлә. Республиканың төньяғында ҡар, көндөҙ урыны менән көслө ҡар, буран, боҙлауыҡ, юлдарҙа көрт, тайғаҡ булыуы фаразлана.

Көньяҡта әллә ни яуым-төшөм көтөлмәй. Ел көньяҡтан, көньяҡ-көнбайыштан, тиҙлеге секундына 7-12 метр, урыны менән секундына 15-20 метрға тиклем. Һауа температураһы төндә -8, -13°, көндөҙ -3, -8°. Автомобиль юлдарында күреү мөмкинлеге 500-1000 метр.

Сығанаҡ: https://bash.bashinform.ru