Республикала төп һәм берҙәм дәүләт имтихандары графигы раҫланды

 БДИ-2026 (11-се кластар)

11-се кластар өсөн БДИ-ны ваҡытынан алда тапшырыу осоро 20 мартта география һәм әҙәбиәт буйынса имтихандарҙан башлана. Математиканы 27 мартта тапшырырға мөмкин, яҙғы этап 10 апрелдә тарих һәм химия менән тамамлана.

Төп осор 1 июндән 19 июнгә тиклем дауам итә:

1 июнь: тарих, әҙәбиәт, химия;

4 июнь: рус теле;

8 июнь: математика (ике кимәл);

11 июнь: йәмғиәтте өйрәнеү, физика;

15 июнь: биология, география, сит телдәр (яҙма);

18-19 июнь: сит телдәр (телдән), информатика.

Сығарылыш уҡыусыһының теләге буйынса бер фәнде 8 һәм 9 июлдә ҡабаттан тапшырырға була.

ТДИ-2026 (9-сы кластар)

Туғыҙынсы кластар өсөн ваҡытынан алда тапшырыу осоро 21 апрелдә (математика) башлана һәм 6 майға тиклем дауам итә.

Төп осор 2 июндә башлана һәм 19 июндә тамамлана.

Мөһим даталар:

2 июнь: математика;

9 июнь: рус теле;

6 июнь: информатика һәм сит телдәр.

Етди сәбәп буйынса имтиханға килә алмаған уҡыусылар өсөн резерв көндәр – июнь аҙағында һәм июль башында, (29 июнь – 6 июль), өҫтәмә осор 3-25 сентябрҙә.

https://www.bashinform.ru