Пар ҡанатлы ғүмер юлдары

Зәйтүнә Лотфулла ҡыҙының юбилейын байрам иткәндә төшөрөлгән ирле-ҡатынлы Макеевтарҙың балаларынан, ейәндәренән hәм бүләләренән 90 йәш тулыу уңайынан йылы ҡотлауҙар менән социаль селтәрҙәрҙә «ВКонтакте» селтeрәндә урынлаштырылған фотоһын күреп, район газетаһы редакцияһы хеҙмәткәрҙәре бик ныҡ ғәжәпләнде. Ир менән ҡатын ғәжәйеп йәш күренә. Беҙ, әлбиттә, «Светлый путь» район газетаһына даими яҙылыусы Владимир Яковлевичты бик яҡшы беләбеҙ. Ул hәр ваҡыт альтернатив подпискаға яҙыла hәм бүләк уйнатыу ваҡытында бер нисә тапҡыр призер булды, ә яңы гәзит номерҙарын алырға heр ваҡыт үҙенең машинаһы менән килә. Уның йәше менән дә, биерeк тә тормош иптәше менән дә бер ҡасан да ҡыҙыҡһынманыҡ. Шуға күрә, без был пар янына барып, нисек шулай йәш һаҡланып ҡалыуҙары тураһында һораштыҡ.

— Эйе, ысындан да, быйыл 7 мартта миңә 90 йәш тулды, — ти хәрәкәтсән, аралашыусан hәм ҡунаҡсыл хужабикә. — Мин 1936 йылда Белорет районы Сермән ауылында ябай колхозсылар ғаиләһендә тыуғанмын. Беҙ ғаиләлә биш бала инек, барыбыҙ ҙа  - ҡыҙҙар, мин — өсөнсөһө инем. Мәктәпте тамамлағас, Аксен ауыл хужалығы техникумына зоотехник булырға уҡырға керҙем. Диплом алғандан һуң мине Бишбүләк районына «Ҡушйылға» совхозының Михайловка бүлегенә зоотехник итеп эшкә ебәрҙеләр.

Үткән быуаттың ул алыҫ совет осоронда ауыл хужалығы колхоздарында hәм совхоздарында төрлө малдар һаны бик күп ине, hәм малсылыҡ, әлбиттә, район иҡтисадын уңышлы үҫтереүҙә өҫтөнлөклө йүнәлеш булды. Тап бына совхоздың Михайловка бүлексәһендә ул ваҡытта йәш һәм перспективалы зоотехник Владимир Макеев эшләгән. Һәр ваҡыт бергә эшләп, хайуандарға вакцинация hәм прививка яһатыу проблемаларын хәл итеп, беренсе быҙау, бейә hәм сусҡа  балаларын тыуҙырғанда, шулай уҡ ауырыу хайуандарҙы дауалағанда, егет менән ҡыҙ яҡындан танышып ҡына ҡалмайынса, бер-береһенә ғашиҡ була. Уларҙың мөнәсәбәттәрен, ышаныс менән әйтергә мөмкин, мәңгегә бергә уртаҡ хеҙмәт нығыта. Артабан улар бергәләп ситтән тороп Өфө ауыл хужалығы институтын тамамлап, юғары белемле зоотехниктар була.

— Беҙ 1961 йылдың мартында өйләнештек, — тип һүҙгә ҡушыла юбилярҙың ире Владимир Яковлевич. — Мин ул ваҡытта Бишбүләк районында һатып алыуҙар hәм ауыл хужалығы продукцияһы сифаты буйынса дәүләт инспекторы булып эшләй башланым. Был вазифала ике тиҫтәгә яҡын эшләнем. 1994-1999 йылдарҙа район финанс бүлеге инспекторы булып, хаҡлы ялға сыҡҡансы эшләнем. Минең ҡатыным пенсияға ҡәҙәр Бишбүләк һөт заводында май, сыр hәм ҡаймаҡ етештереүҙә эшләне. 65 йыл бергә йәшәү дәүерендә Зәйтүнә Лотфулла ҡыҙы менән ике ҡыҙыбыҙ Ирина hәм Альбина үҫеп етте. Улар беҙгә дүрт ейән бүләк итте. Уларҙың инде өс балаһы бар.

Макеевтар ирле-ҡатынлы, бар совет халҡы кеүек үк, бүләктәр өсөн эшләмәгән. Улар бик күп грамоталарға ла, төрлө рәхмәт хаттарына ла лайыҡ булған. Хатта Бөтә Рәсәй халыҡ һанын алыуҙы уҙғарған өсөн миҙалдары ла бар. Улар яҙмыштарынан зарланмай, сөнки үҙ ваҡытында пенсия алалар, балаларының hәм ейәндәренең хәстәрен һәм иғтибарын тойоп йәшәйҙәр, ә уларҙың күп фатирлы йортонда йылы hәм уңайлы. Yҙҙәре лә әүҙем тормош алып барырға тырышалар: телевизор ҡарайҙар, район газетаһын уҡыйҙар, үҙҙәрре йәшәгән йортта йәшәүселәр менән өмәләрҙә ҡатнашалар, хатта МХО-ла булғандарға ла ярҙам итәләр. Владимир Яковлевичтың утыҙ йылдан ашыу яратҡан мауығыуы — йәйәү йөрөү китап уҡыу (нигеҙҙә был классика). Осрашыу ваҡытында кухня өҫтәлендә француз яҙыусыһы Ги де Мопассандың китабы ята ине. Зәйтүнә Лотфулла ҡыҙының яратҡан шөғөлө — элегерәк йомортҡа һала торған тауыҡтар булһа, ә хәҙер гөлдәр үҫтереү. Ул орхидеялар ярата. Бишбүләк ауыл Советы хеҙмәткәрҙәре лә, ауыл биләмәһе башлығы Владислав Иосифович Петров та юбиляр Зәйтүнә Лотфулла ҡыҙына йылы теләктәр, сәламләү адресы hәм иҫтәлекле бүләктәр менән килгән.

Владимир СМОЛОВ.

Автор фотоһы.