Өс бер туған - Башҡортостандың патриотик ғаиләһе алғы һыҙыҡта

Беҙҙең заман геройы — Артур Гәрәев Әлшәй районының Никифар ауылында тыуып-үҫкән. Махсус хәрби операция зонаһына ебәрелгәнгә тиклем ул вахта ысулы менән дизель машинисы булып эшләгән. Тыуған яғында уны етди бурыстарҙы үтәгән һәм һәр ваҡыт һүҙендә тора алған кеше булараҡ беләләр.

2022 йылдың көҙөндә өлөшләтә мобилизация иғлан ителгәс, Артур повестка ала һәм бер ниндәй икеләнеүһеҙ Ватанды һаҡлаусылар сафына баҫа. Әлшәй районы хакимиәте башлығы Наил Әбелғужин билдәләүенсә, Был ҡарар артында Тыуған илгә һөйөү генә түгел, ә ғаилә — үҙе һәм ата-әсәһе алдында тәрән яуаплылыҡ та тора.

Артур күп балалы ғаиләлә тәрбиәләнә, унда биш бала үҫә. „Көслө тыл“ төшөнсәһе уның өсөн йәшәү принцибы булып китә. Бөгөн ул үҙе лә өс бала атаһы. Ҡатыны Диана менән ике ул һәм һөйкөмлө ҡыҙ үҫтерәләр. Йорттоң ысын хужаһы, ғаиләнең ышаныслы таянысы һәм яратыусан атаһы", - тип яҙҙы район башлығы социаль селтәрҙә.

Артурҙың миҫалы бөтә ғаилә өсөн юл күрһәтеүсе маяҡ булып тора. Уның артынса ике һеңлеһе лә махсус хәрби операция зонаһына юллана:

- Лилиана (2023 йылдан) хәрби табип булып хеҙмәт итә, көн һайын алғы һыҙыҡтағы яугирҙарҙың ғүмерен ҡотҡара;

- Илнара (2024 йылдан) хәрби элемтәсе һөнәрен һайлай, фронт һыҙығында өҙлөкһөҙ элемтә тәьмин итә.

"Был ысын намыҫ династияһы, — тип билдәләне Наил Әбелғужин. — Рәсәй халҡының берҙәмлеге тураһында һөйләгәндә, бына ул -  һүҙҙәребеҙҙең тере кәүҙәләнеше. Гәрәевтар ғаиләһе ысын патриотизм өлгөһө. Көн һайын өйөбөҙҙө, балаларыбыҙҙы, Ватаныбыҙҙы яҡларға әҙер булыу - ҙур лозунг ғына түгел. Бындай кешеләр бар саҡта Рәсәйҙең киләсәге ышаныслы ҡулдарҙа.

Пилотһыҙ системалар ғәскәрҙәренең өлкән операторы Артур Гәрәев хәрби бурысын намыҫ менән үтәүен дауам итә. Күрһәткән батырлығы һәм ҡаһарманлығы өсөн ул Рәсәй Федерацияһының юғары дәүләт наградаларына лайыҡ булған.

Гәрәевтар ғаиләһе - Рәсәй халҡының ҡеүәтен һәм рухын нығытып, Ватанға хеҙмәт итеү традицияларының быуындан-быуынға тапшырылыуына сағыу миҫал. Пилотһыҙ системалар подразделениеларына ҡушылырға теләгән Башҡортостан халҡы был перспективалы ғәскәр төрөндә хеҙмәт итеү үҙенсәлектәре тураһында актуаль мәғлүмәт менән тулыландырылған башбат.рф порталында бөтә нескәлектәрҙе белә ала.

БПЛА операторы хеҙмәте бөгөн абруйлы һәм юғары технологиялы һөнәр генә түгел, ә бер нисә мөһим өҫтөнлөккә эйә. Тәү сиратта һүҙ юғары хәүефһеҙлек кимәле тураһында бара, сөнки эш хәрби бәйләнеш һыҙығынан алыҫ алып барыла. Шул уҡ ваҡытта оборона Министрлығы бер йыллыҡ контракттың шарттарын тәҡдим итә, был ваҡыт яңы килеүсегә хеҙмәттең үҙенсәлектәрен баһаларға һәм хеҙмәттәшлекте дауам итергә йәки тамамларғамы тигән ҡарар ҡабул итергә мөмкинлек бирә. Шулай уҡ хәрби хеҙмәткәрҙең һөнәре беркетелеүе мөһим: яугирҙың шәхси ризалығынан тыш, уны дрон менән идара итеү менән бәйле булмаған икенсе вазифаға йәки башҡа ғәскәр төрөнә күсерергә ярамай.

БПЛА өлкәһендәге контрактсылар тулы социаль пакет ала, уларға ҡаралған бөтә түләүҙәр, льготалар билдәләнә. Студенттар өсөн айырым шарттар ҙа ҡаралған: юғары уҡыу йорттарында уҡыусылар академик отпуск алып, контракт төҙөргә, ә ҡайтҡас бюджет урынына ҡайтырға хоҡуҡлы. Бынан тыш, өҫтәмә матди дәртләндереү сараһы бар: дошманға уңышлы һөжүм итеүселәр илле меңдән биш йөҙ мең һумға тиклем аҡса ала. БПЛА подразделениелары сафында хеҙмәт итеү менән ҡыҙыҡһыныусыларға һәм башҡа мөһим мәғлүмәтте башбат.рф сайтында, шулай уҡ 122-се һандары буйынса белергә мөмкин.

Сығанаҡ: Башинформ