Ҡышҡылыҡҡа солянка һәм рассольник әҙерләйек!

Тиҙ генә аш әҙерләргә кәрәк булғанда, бик шәп буласаҡ.

Кәбеҫтәле аш яратыусыларға бик шәп рецепт.

Кәрәк: 2 кг кәбеҫтә, 2 кг помидор, 1 кг һуған, 1 кг кишер, 400 г үҫемлек майы, 10 – 15 бөртөк борос, 2,5 – 3 ҡалаҡ тоҙ, 2 лавр япрағы, 4 ҡалаҡ шәкәр, 4 ҡалаҡ 9 процентлы уксус, 2 ҡалаҡ томат пастаһы.

Әҙерләүе бик еңел: майҙа туралған һуғанды һәм эре ҡырылған кишерҙе ҡыҙҙырырға. Уларҙы туралған помидор һәм кәбеҫтә, лавр япрағы, борос, тоҙ, шәкәр менән бутап, уңайлы һауытта бер сәғәт бешерергә. Унан һуң, уксус, томат пастаһы өҫтәп, тағы 15 минут ҡайнатырға. Стерилләгән банкаларға тултырып, ныҡлап ҡапҡас ябырға.

Рассольник әҙерләү:

Бының өсөн бер килограмм ҡыяр, 300 грамм кишер, 300 грамм һуған, 200 грамм томат пастаһы, ике татлы борос, 300 грамм арпа ярмаһы (перловка), 50 миллиграмм һеркә, өс аш ҡалағы шәкәр, 1.5 аш ҡалағы тоҙ, 70 миллилитр май.
Тәүҙә ярманы бешерәбеҙ. Ҡыяр менән һуғанды, боросто турайбыҙ. Кишерҙе ҡырғыс аша үткәрәбеҙ ҙә кәстрүлгә һалып, май, бер литр һыу, тоҙ, шәкәр өҫтәп утҡа ҡуябыҙ. Ҡайнап сыҡҡас, 40 минут тирәһе бешерәбеҙ. Шунан бешкән ярма менән һеркәне ҡушып биш минут ҡайнатабыҙ. Банкаларҙы бешекләп, лавр япрағы, борос өҫтәп тултырабыҙ.
Ашығыҙ тәмле булһын!