Төнгө урам балалар өсөн түгел

Ҡышҡы расписание буйынса бәлиғ булмағандар 22.00 сәғәттән 6.00 сәғәткә тиклем урамда йөрөй алмай.

Ошо ваҡытта уларға йәмәғәт урындарында ата-әсәләре йәки законлы вәкилдәре менән генән йөрөргә рөхсәт ителә. Тыйыу урамдарға, стадиондарға, майҙандарға, балалар һәм спорт майҙансыҡтарына, пляждарға, скверҙарға, ихаталарға һәм күп фатирлы йорттарҙа дөйөм ҡулланылыштағы урындарға, йәмәғәт транспортына, вокзал биләмәләренә һәм биналарына, йылға порттарына, аэропорттарға, интернет-кафеларға ҡағыла. Әгәр баланы полиция хеҙмәткәрҙәре тотһа, уның ата-әсәһе йәки уларҙың законлы вәкилдәре яуаплылыҡҡа тарттырыла-административ протокол төҙөлә.

Башинформ